話說我幫新屋買緊浴室潔具，我見呢間嘢都好多人鬧送貨時間唔啱又聯絡唔到佢果啲，但見到得佢包送貨、又意大利製造、錢又合理就買咗個Well Bloom Italy嘅水龍頭同埋花灑，送到黎我睇吓個包裝唔似意大利製造，就打去Well Bloom Italy個香港代理問啦，點知真係出事，原來係中國製！
之後我即刻打上去同佢講退貨退錢，佢不斷慫恿我換其他貨品，或者平啲比我，叫我要咗佢，我梗係唔制一定要去退款。於是佢係電話就話會安排代理上嚟收，點知隔咗一日WhatsApp叫我攞去佢哋門市，並即刻安排退款，但係足足要等25個工作天！我上支付寶官網睇過！退款只係需要14個工作天！
屋企人畀錢佢要用支付寶小弟講聲對唔住先
到咗今個星期二，25個工作天已過，期間我打過佢Office電話，打過門市，全部電話都打唔通，最後星期三我上去佢哋Office，應承星期五會退到俾我，最後到呢一刻都收唔到錢，喺佢Facebook留言，比佢block埋！
而家已經報咗消委會、海關、
違反商品說明條例仲拖延退款，唔建議大家幫襯！
